അധ്യാപക ദിനാഘോഷം
അടുക്കത്ത്ബയല്‍ ഗവ. യു. പി. സ്കൂളിലെ അധ്യാപക ദിനാഘോഷ പരിപാടികളുടെ ഉദ്ഘാടനം കാസര്‍ഗോഡ് നഗരസഭ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ ശ്രീ. ജി. നാരായണന്‍ നിര്‍വ്വഹിച്ചു. പി. ടി. എ. പ്രസിഡണ്ട് ശ്രീ. ദയാനന്ദ ഷെട്ടിയുടെ അധ്യക്ഷതയില്‍ ചേര്‍ന്ന യോഗത്തില്‍ മികച്ച സെന്‍സസ് പ്രവര്‍ത്തനത്തിന് രാഷ്ട്രപതിയുടെ പുരസ്കാരം നേടിയ സ്കൂളിലെ അധ്യാപകരായ ശ്രീ. ജഗദീഷ്, ശ്രീ. ജയദേവന്‍ തുടങ്ങിയവരെ പി. ടി. എ യുടെ ഉപഹാരം നല്കി ആദരിച്ചു. തുടര്‍ന്ന് സ്കൂളിലെ മുഴുവന്‍ അധ്യാപകരെയും പൂച്ചെണ്ട് നല്കി ആദരിച്ചു. ചടങ്ങില്‍ എസ്. എം. സി. ചെയര്‍മാന്‍ ശ്രീ. എ. ടി. നായ്ക്, ശ്രീ. ജഗദീഷ്, ശ്രീ. ജയദേവന്‍ തുടങ്ങിയവര്‍ സംസാരിച്ചു. സ്കൂള്‍ ഹെഡ്‌മിസ്‌ട്രസ് ശ്രീമതി. സരോജിനി ടീച്ചര്‍ സ്വാഗതവും, സ്റ്റാഫ് സെക്രട്ടറി ശ്രീ. മഹേശന്‍ നന്ദിയും പറഞ്ഞു. തുടര്‍ന്ന് അധ്യാപകര്‍ക്കായി വിവിധ കലാ മത്സരങ്ങള്‍ സംഘടിപ്പിച്ചു.
No comments:
Post a Comment