ഗവ. യു. പി. സ്കൂള്‍ അടുക്കത്ത്ബയലില്‍ വിവിധ പരിപാടികളോടെ ഓണം ആഘോഷിച്ചു . പി. ടി. എ. പ്രസിഡണ്ട് ശ്രീ. ദയാനന്ദ ഷെട്ടിയുടെ അധ്യക്ഷതയില്‍ ശ്രീ. ജി. നാരായണന്‍ ( വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ , കാസര്‍ഗോഡ് നഗരസഭ ) പരിപാടികളുടെ ഉദ്ഘാടനം നിര്‍വ്വഹിച്ചു. ചടങ്ങില്‍ എസ്. എം. സി. ചെയര്‍മാന്‍ ശ്രീ. എ. ടി. നായ്ക്, എം. പി. ടി. എ. പ്രസിഡണ്ട് ശ്രീമതി. ശൈലജ , ശ്രീ. രാജേശ്വര . സി. എച്ച് തുടങ്ങിയവര്‍ ആശംസകള്‍ അര്‍പ്പിച്ചു. സ്കൂള്‍ ഹെഡ്‌മിസ്‌ട്രസ് ശ്രീമതി. സരോജിനി ടീച്ചര്‍ സ്വാഗതവും, സ്റ്റാഫ് സെക്രട്ടറി ശ്രീ. മഹേശന്‍ നന്ദിയും പറഞ്ഞു. തുടര്‍ന്ന് കുട്ടികളുടെ വിവിധ കലാ-കായിക മത്സരങ്ങള്‍ നടന്നു. ഉച്ചയ്ക് കുട്ടികള്‍ക്ക് വിഭവ സമൃദ്ധമായ ഓണസദ്യ നല്‍കി. കാസര്‍ഗോഡ് നഗരസഭ സ്റ്റാന്റിംഗ് കമ്മിറ്റി ചെയര്‍മാന്‍മാരായ ശ്രീ. ജി. നാരായണന്‍, ശ്രീ. അബ്ബാസ് ബീഗം, കാസര്‍ഗോഡ് നഗരസഭ ഉദ്യോഗസ്ഥര്‍, പി.ടി.എ. കമ്മിറ്റി അംഗങ്ങള്‍, രക്ഷിതാക്കള്‍, പൂര്‍വ വിദ്യാര്‍ത്ഥികള്‍ തുടങ്ങിയവര്‍ സംബന്ധിച്ചു.
No comments:
Post a Comment